CHAPTER 9-Kung Puso man ay Lumimot

“Oh ayan anak, lalo kang gumanda diyan sa suot mo”
Sinipat siya nito sa suot niyang simple yet elegant na white halter dress, mga 4 inches above the knee ang ikli.
Pula ang kanyang suot na strappy sandals at may 2 inches na stiletto style na takong. Hindi na niya kailangan pang mag-stockings dahil walang kamantsa-mantsa ang kanyang mapuputing binti. Nakalugay ang kanyang buhok na hanggang likod pa rin ang haba. Face powder at lipgloss lang ang ipinahid niya sa mukha, dahil di na kailangan pang lagyan iyon ng make-up.
Natural nang makinis at mamula-mula ang kanyang balat. Pearl studs na palamuti lang ang nilagay niya at relo na nasa kaliwa niyang braso. Nag-aagaw sa kabuuang anyo ni andy ang kainosentehan ng kanyang mukha at ang kaseksihan ng kanyang suot.

Masaya naman siya sa nakitang reaksiyon ng ina. ”Salamat Ma, eh siyempre, sa’yo ako nagmana eh” malambing niyang turan dito.
“Talaga, maganda talaga ako” nag-pose pa ito at nakatawa habang sinabi nito yun sa kanya.
“Haha, sige ma, hihintayin ko lang si Dylan sa labas” paalam niya dito.
“O sige, ikumusta mo nalang ako sa kanya huh?” tugon nito sa anak.
“OK” pagkasabi non ay lumabas na siya ng bahay at hinintay sa labas ang nobyo, nag-text na ito sa kanya na parating na..
Nagulat siya nang may lumapit sa kanyang lalake.
“J-Jay?! What are you doing here?” Si Jay , ang ex niya. Totoong nabigla siya dahil ang akala niya, na huling pagkikita na nila nung naghiwalay sila..
“Ann, I’m sorry, I shouldn’t have done that to you, through all these years, na-realize ko na mahal pa pala kita, pero binalewala kita noon. And na-realize ko nung mga panahong yon na parang merong kulang sa buhay ko, and that is you Andy, it’s you” mahabang paliwanag nito sa kanya.
“Hindi ka pa rin nagbabago, ang ganda mo pa rin” dugtong nito ng mapansin ang ayos niya. Pero hindi niya pinansin ang papuri nito.
“Andrea, do I still have a chance? Please forgive me” pagsusumamo nito .
Napabuntung-hininga siya saka nagsalita.
“Jay,matagal na kitang pinatawad at kinalimutan, pero I have my own life now, masaya na ako, at mahal na mahal ko ang nagpatibok ulit sa puso ko simula nung nagkahiwalay tayo, ang boyfriend ko, si Dylan” paliwanag niya rin dito.
“But Andy, I want you back” namumula na ang mga mata nito, nasaktan ito sa sinabi niya, pumiyok ito nung magsalita.
“No Jay, just go and find someone else, huli ka na, mahal na mahal ko si Dylan at hindi ko siya kayang iwanan kahit na ano pa ang kapalit.” Pagpapaintindi niya dito.
Napabuntung-hininga na rin ito at napayuko dahil naiiyak na ito. Nabigo siya, nabigo si Jay na maibalik pa sa buhay niya si Andrea.
“Kasalan ko toh eh, kung bakit kasi niloko kita noon, hindi ako nakuntento sa iisang babae, habang busy ako na nangongolekta ng mga babae, di ko namalayan na nawala ko na pala ang babaeng tunay kong minahal na siyang pagsisisihan ko habang buhay.” Ang tanging naibulalas nito at di na mapigilang ang pagtulo ng luha.

Naaawa naman si Andy dito, dahil minsan naman kasi ay inalagaan siya nito, pinahalagahan, minahal, pero nagbago ang lahat ng iyon nang nanlamig ito sa kanya at nalamang isa lang pala siya sa mga koleksyon nito.Gwapo rin naman kasi ito kaya marami din ang nagkakagusto sa lalake. Hinawakan niya ito sa balikat at saka nito iniangat ang paningin sa kanya.

“Jay, I’m sorry din kasi, may mahal na akong iba eh, forget about me and start a new life, I`m sure marami ka pang makikitang iba. Ang gwapo mo kaya” totoo yun, para na rin ngumiti ito. At nagtagumpay naman siya.
“Okay Annie, I’ll do that , I’m sorry for bothering you, I really regretted it, ang tanga ko kung bakit pinakawalan pa kita. Karma ko na nga siguro ito,dahil wala akong ibang magawa noon kundi magpaiyak ng babae, at ngayon naman ay ako na ang nasasaktan. Ang suwerte naman nung Dylan, sana di ka na niya pakakawalan pa, dahil i`m sure pagsisisihan niya rin yun.” Turan nito sa kanya.

“But ..Can I ask a favor?” tanong nito kapagdaka.
“Yep, what is it?" tanong ng dalaga,kung ano man ang magiging favor nito ay okay lang sa kanya dahil baka iyon na rin ang huling pagkikita nilang dalawa. Para naman may magawa siya dito bago silang magkahiwalay, and forget about the past.
“Can I kiss and hug you for one last time?” pagsusumamo ulit nito.
Medyo nabigla siya sa favor nito sa kanya, pero naisip niya ring pagbigyan ito. Kaya niyakap siya nito at hinalikan sa labi ng saglit lang.
Pero, Lingid sa kanilang kaalaman ay meron palang isang pares ng mata na kanina pa nakatingin sa kanila. Kinuyom nito ang kamao at pinaharurot ang sasakyan sa pagmamadaling maka-alis sa lugar na iyon kung saan nakita ang eksenang kailanman ay di niya inaasahan.

**********

“PARE, totoo ba yan?” nakakunot noong tanong ni Ken kay Dylan.
Nasa isang bar at nag-iinuman. Tinawagan nito ang kaibigan para makipagkita at yayaing uminom.
Tumango naman siya. “Mag-di-dinner sana kami ngayon, pinaghandaan ko talaga ang gabing toh, magpo-propose na sana ako sa kanya, pero ..” pumiyok ang tinig ng lalaki at naging mailap na rin ang mga mata dahil sa mga luhang nagbabanta nang umalpas.
“Pero di ko akalain na magagawa niya yun sakin,” dagdag pa niya “Binigay ko ang lahat, mapaligaya ko lang siya, etoh na nga bang sinasabi ko eh, kaya natatakot akong magmahal uli” di na nito mapigilang umiyak at lumagok ulit ng iniinom na alak.
“Pare, kung magso-sorry siya at papayag sa aalukin kong kasal, Ken, lahat… kaya kong kalimutan” hirap na hirap nitong pagsasalita.

Inakbayan ito ni Ken at hinimas-himas ang likod ng kaibigan.Pati rin siya ay nasasaktan, ang pagkagusto niya kay Andrea ay napalitan ng dissapointment, hindi rin nito akalain na magagawa yun ng Dalaga sa bestfriend niya. Pilit niya itong pinapakalma. Nang may marinig sila ng isang malamyos na tinig galing sa isang babae..

“Hi boys…Dylan? What happened??” malambing na tanong ni Sweet.
“Sweet?” magkapanabay pa ng kaibigan na bulalas.
“Hey, where have you been? ang tagal naming di ka nakita ah? Ano bang nangyari sa`yo at bigla kang nawala na parang bula?” tanong nito sa babae.



Umupo muna ito kaharap sila bago sinagot ang tanong ni Ken.
“Hmm.lumipat kasi ako ng school, yung mas malapit sa tinitirhan ko ngayon” paliwanag nito.
Si Dylan ay mataman lang na nakikinig sa dalawa.
“Eh ba`t di ka nagpaalam sa`min? Kay Andy?” tanong ulit nito.
“Basta, personal reasons” ang tanging nasabi nito para di mangusisa pa ang kausap.

Ang totoo, nagpakalayo-layo siya, ayaw niyang makita si Dylan at Andrea na magkasama, dahil matagal na siyang may lihim na pagtingin dito.
Akala niya ay wala na siyang nararamdaman para sa binata, pero nabuhay ulit iyon nang makita niya ulit ito. At parang mas tumindi pa ang pagtingin niya rito makalipas ang ilang taon. Hindi pa rin nagbabago, ito pa rin ang mahal niya, kaya lang si Andrea ang nagustuhan nito at hindi siya.
“Ah ganun bah? pero etoh naman o, parang di kami kaibigan?” pabiro nitong sagot.
Nagpaalam muna saglit si Ken para mag-CR. Saka naman siya tumabi kay Dylan na inookupa nito kanina.

“Sweet, lalo kang sumexy ha?” papuri sa kanya ng binata.

Sexy naman talaga siya noon pa, maganda rin siya, pero nahulog ang loob nito kay Andy. Kaya rin siya sumusuot ng mga skimpy outfits dahil yun ang gusto niya, may pagka-liberated din kasi siya.
“Haha, thanks. Napansin ko kanina na umiyak ka ha?” nagtatanong ang mga mapupungay nitong mga mata.
“Bakit, dahil para akong bakla?” pa-ismid itong sumagot.
Napangiti siya sa inasal nito, ang kyut nito tingnan pag nagagalit, kaya isa rin yon sa mga nagustuhan niya dito, kahit anong pilit nitong papangitin ang sarili ay lalo yung nakadagdag sa taglay nitong kagwapuhan.
“Etoh naman, hindi noh? What I mean is.. alam ko na may problem ka, C’mon tell me, baka makatulong ako” umusod pa ito papalapit sa binata at lalo pang pinapungay ang mata.

Tiningnan ito ni Dylan, nakita naman niya ang pagka-sincere sa mga mata ng dalaga, kaya ikinuwento niya dito ang nangyari.
“Ganun bah? K-kalimutan mo na lang siya, wala yang maidudulot na maganda sa`yo. Gusto mo tulungan pa nga kita eh” pinalandi nito ang tinig sa huling tinuran.

Saka ito tiningnan ni Dylan ulit, maganda naman ang babae, kaakit-akit, sexy, kaya pwede siyang matukso dito.Dumikit lalo si Sweet sa binata at sinadyang ikiskis ang malulusog na dibdib sa braso nito.
Dala na rin ng kalasingan kaya nag-iinit na rin ang katawan niya.
Darang sa init at alak si Greg kaya namumungay ang matang tinitigan nya lang si Sweet. Hindi niya namalayang nabuksan na pala nito ang zipper ng kanyang pantalon at nakapasok na ang kamay nito.
Wala namang makakapansin dahil madilim ang lugar at tanging mga neon lights lang na nakadikit sa dingding ang siyang nagsisilbing liwanag sa loob.

NASA taxi na si Andy at papunta sa bahay ng mga Palles. Nag-aalala na siya kung bakit wala pa ito. Hindi naman niya ito makontak dahil naka-off ang cellphone. Saka lang niya naisip na tawagan si Ken, baka alam nito kung saan makikita ang nobyo.
Kring!Kring!Kring!

Habang papalabas na si Ken sa CR ay nag-ring ang phone niya. “Si Andrea” dagli niya itong sinagot.
“Andy? Ba’t ka napatawag? masaya ka na bah sa ginawa mo kay Dylan?” painsultong tanong ni Ken sa kausap sa kabilang linya.
“Huh? Ano bang pinagsasasabi mo?” balik din nitong tanong.
“Ha! Eh di ano pah? Nakita niya kayo nung ex mo naghahalikan, kaya etoh ..naglalasing na naman” sabi nito.

Sukat sa narinig ay nagkulay suka ang dalaga, kung ganun nakita pala sila nito kanina kaya di ito sumipot sa bahay nila, o sa restaurant kung saan sana sila magdi-dinner.
Nagpunta siya sa resto sa pag-aakalang nauna ito doon,pero nawalan siya ng pasensya kaya eto at papunta sana siya sa bahay nito, pero kasama pala ito ni Ken at umiinom nang dahil sa kanya!
“Patay, kasalanan ko pala kung bakit di siya pumunta, kailangan kong mag-sorry!”

“No Ken! Mali ang akala niyo, kaya lang niya ginawa para magpaalam sa`kin, asan kayo? Kailangan niyang marinig ang paliwanag ko!” katwiran niya.
“Okay, sige, payag ako na makapag-paliwanag ka sa kanya, kaya dalian mo, Nandito kami sa Grecko’s ! Ah, siyanga pala, yung kaibigan mong si Sweet? nandito siya, nakita namin siya.” Naging malumanay na ang tono ng boses nito.
“Ha? Si Sweet? talaga? matagal ko na rin yung di nakikita sige papunta na ako, malapit lang kami sa Grecko`s eh, kaya ilang segundo lang andiyan na ako” nag-aalala na nasasabik na sambit ni Andy.
Matagal-tagal din silang hindi nagkita ng kaibigan, na-miss niya ito ng sobra, at pag nakarating na siya dun ay yayakapin niya talaga ito ng mahigpit.
“Sige, ibababa ko na toh,magkita na lang tayo diyan” pamamaalam na ni Andy sa kabilang linya.

“Manong sa Grecko,s po tayo, malapit lang naman yun dito eh, sa kabilang kanto lang, dalian nyo po,please!” pakiusap niya sa drayber ng taksing sinasakyan. Tumango naman ito at ilang sandali pa ay narating na nila ang lugar.
Di na mapigilan pa ni Dylan ang gusto nang humulagpos na damdamin. Pero ang nasa isip niya ay ang tunay na minamahal, si Andy, selfish na kung selfish, dahil si Sweet ang kahalikan niya pero ang isip niya ay nasa nobya.
Nasaktan siya sa kaisipang may ibang kahalikan ang nobya kanina nang makita niya ito malapit sa gate ng bahay nito.
Gutay-gutay na ang kanyang puso, mas malala pa ang sakit ngayon kesa sa sakit na naranasan niya kay Yasmien. Kahit sorry lang ang sabihin nito, kahit sorry lang, kakalimutan niya ang kasalanan nito, hindi niya kayang mawala ang dalaga sa buhay niya.

Sukat paglabas ni Ken sa CR, pabalik na sana siya sa puwesto niya pero natigilan siya ng makita ang kaibigan at ang babaeng kausap lang niya kanina ay naghahalikan, at saka lumagpas ang paningin niya sa babaeng nakatayo malapit sa mga ito na pamilyar na pamilyar sa kanya.. Saka niya sinigawan si Dylan.

“DYLANN!” tila natauhan naman ito sa pagkalakas ng sigaw nito.Tiningnan niya ang kaibigan na nakatingin rin sa kanya at ibinaling sa likod niya..Tiningnan niya rin ang nasa likod nila ni Sweet..
“ANDY?!” tinakasan siya ng dugo sa mukha at tuluyan ng nawala ang pagkalasing nang makita ang nobya. Mabilis nyang itinaas ang zipper ng pantaloon.
Nababanaag niya sa mga mata nito ang kirot, ang hapdi na sumasalamin sa nararamdaman nito. Binigla siya nito ng isang malutong na sampal. Masakit yun, pero wala nang mas sasakit pa sa nakikita niyang luha na nagbabantang umalpas sa mga mata nito. Na nasaktan niya ito nang dahil lang sa isang tukso.

“Andrea ,I’m sorry” pagsusumamo niya dito na halata na ring maiiyak. Pero parang wala itong narinig, bagkus ay humarap kay Sweet.
“Ikaw! Ahas ka! Ba`t mo yun nagawa sakin?! Alam mo ba, pumunta ako dito para manghingi ng sorry kay Dylan at para makita rin kita, gusto ko kayong sorpresahing dalawa, pero ..”

Tuluyan nang tumulo ang malalaking butil ng luha nito, saka ulit nagsalita, yukong-yuko naman si Sweet dahil sa hiya, di rin nito gustong saktan ang naging kaibigan,sadyang naging mabait ito sa kanya,pero di niya mapigilan ang damdamin para sa nobyo nito.

Natigilan lahat ang nasa loob ng Bar, lahat nakatingin sa kanila
“pero..” patuloy ni Andy “ako pala ang masosorpresa! How could you? Ang boyfriend ko at ang ahas kong kaibigan! ..ay naghahalikan” pumiyok ang tinig ng dalaga nang magsalita.
“pano niyo toh nagawa sakin?” nasa tinig nito ang sakit ng nararamdaman, at nagtatanong ang mga mata nito.
“Andy, let me-“ pinutol ni Andy ang sinabi ni Dylan
“At ikaw Dylan! nagustuhan mo naman?!-Mga walanghiya!” sinigawan niya ang dalawa, at saka tumalikod para lumabas sa bar na yun. Hinabol ito ni Dylan..

“Andy wait!” at hinawakan ang dalaga sa braso, tumigil naman ang dalaga sa paglakad pero di pa rin tumitingin sa kanya..
“Bitiwan mo ako..” mahina nitong sabi.
“Pero Andy-“
“sabi ng bitiwan mo ako!” galit na turan ng dalaga,binitawan naman niya ang dalaga pero sinundan ito sa pagtakbo nito..
Nagmamadali si Andy na makalabas ng lugar na yun at nag-para agad ng taxi, saka naman lumabas si Dylan sa pintuan ng bar, nang makita niya ito ay dali-dali siyang pumasok sa loob ng taxi.

“Andrea!! Wait!!” hinihingal nitong habol sa papalayong taxi. Pero masyado na itong malayo kaya tinungo niya ang nakaparadang sports car. Pinaandar at saka pinaharurot papunta sa bahay ng dalaga.